ඉතිහාසය

මුලින්ම වත්මන් ගුරු නිවස වත්තේ කුඩා පොල් අතු මඩුවක ආරම්භ වන අ/පරංගියාවාඩිය විද්‍යාලය 1935.09.02 වන දින W.රංබණ්ඩා විදුහල්පතිතුමා යටතේ වර්තමානයේ විදුහල පිහිටි භූමියේ ස්ථීර වශයෙන්ම ආරම්භ කරන ලදී. එක් ගොඩනැගිල්ලකින් ආරම්භ වන පාසලේ ආරම්භක ශිෂ්‍ය සංඛ්‍යාව 28ක් විය. විදුහලේ මුල් ම ශිෂ්‍යයාව වූයේ A.අමරාවතී මහත්මියයි. P.රංබණ්ඩා මහතාගෙන් පසුව මේ දක්වා විදුහල්පතිවරු 10දෙනෙකු අප පාසලේ සේවය කර ඇත. මුල් ම වරට අප පාසලෙන් 5ශ්‍රේණිය ශිෂ්‍යත්ව විභාගය සමත් වීමට K.B. සිරිසේන මහතාට හා N. සෝමාවතී මහත්මියට හැකි විය. මේ දෙදෙනා පාසලට කීර්තියක් ලබා දුන් අතර රටේ ඉහළ නිල තල දැරූ වැදගත් පුරවැසියන් ද වේ. පාසල තුළ අ.පො.ස සා.පෙළ ආරම්භ වූයේ 1971 වර්ෂයේය. එම වර්ෂය තුළ සිසුන් හයදෙනෙකු විභාගයට පෙනී සිටි අතර එම සිසුන් හයදෙනම විභාගය සමත් විය.